小猫吃完早餐,準备外出。
小猫:爸B,唔该帮我攞个口罩。
猫爸:小猫唔舒服?
小猫:唔係,好多人在车上咳,戴定稳阵啲。
猫爸:都啱嘅,不过应该是病人戴才对,口罩是防止飞沫传播病菌。
小猫:爸B讲得啱,同学有咳嗽流鼻水,在课室都会戴。
猫爸:有公德心是对的。讲起口罩,最近很多藥房卖断市。
小猫:有什麼出奇,香港乜嘢都可以抢购一餐。
猫爸:小猫,知不知不同口罩有不同功能?
小猫:点会唔知,最劲的一种是N95。
猫爸:有乜咁劲?
小猫:N95隔菌和防尘功能都最劲,不过戴起来成个猪嘴咁。
猫爸:小猫应该未戴过N95吧,爸B就戴过,是沙士疫潮时。
小猫:体验如何?
猫爸:好焗,好难唞气。
小猫:其实一般情况下,戴三层外科口罩就够用。
猫爸:连三层都知,小猫叻叻!专家话,三层外科口罩能过滤大约七成0.3微米悬浮微粒,而且可阻挡飞沫,戴上又不会像N95那麼难唞气。
小猫:所以流感高峰期,周街都见人人戴这一种。
猫爸:还有一种海绵口罩,都有很多年轻人戴。
小猫:这一种得个样,隔下尘还可以,讲到隔菌,No way!
猫爸:不过戴起够“潮”噃!
小猫:潮流嘅嘢见仁见智,遮住口鼻,我就不觉“型”嘞!
猫爸:小猫眼大大,遮住口鼻,不是更突出亮点吗?
小猫:戴住个黑口罩,家阵很易被人误会。
猫爸:误会?哦,明白晒!係呢,小猫有冇买过这种口罩?
小猫:唔话你知。