圖：楊千嬅出碟獲公司大力支持

楊千嬅昨日到電台接受訪問，原本在上周出碟的她，因為製作上出現問題，要延遲到本月二十六日才推出。

有指為了幫她宣傳新碟，衛詩（Jill）於旺角安置的大型廣告牌未夠期都要被拆除，對於被指「剝Jill」，千嬅聞言笑說：「呢啲嘢我唔剝嘅，我花生都唔剝啦！唱片公司為藝人宣傳真是用心良苦，所以不用太執著。」有指她爭取與衛詩有同等待遇，千嬅說：「我唔興呢啲，我的上進心不是放在這裡，真係十年都未聽過，不過就當支持我同阿Jill啦。」

另外，千嬅早前出席一個內地電視節目，要她在吳彥祖、鄭中基及梁朝偉當中選出最佳情人。結果千嬅揀梁朝偉也不揀鄭中基。她笑言這些遊戲當然是揀梁朝偉最冇事，若她揀鄭中基，之後又會引申出十幾條問題。她說，偉仔是大眾情人，是好男人的典範，當然揀他了。若有周潤發，她一定揀發哥。若有丁子高，她又會揀嗎？千嬅笑說：「咁就唔好睇，這些香港新聞成日睇。」