圖：謝婷婷表示十分享受駕駛樂趣

謝婷婷、樂基兒、Lisa S.和Ana R.昨出席一個新車發布會，婷婷表示自己十分享受駕駛樂趣，於外國時喜歡駕車追日落，但於香港不熟路故沒有再駕駛。提到謝霆鋒多靚車，婷婷卻從未想過問哥哥借車。

有報道指張栢芝有個多月身孕，婷婷聞言即說：「係咩？唔係未過一百日唔講得咩？點解你哋會知道。」婷婷謂也是從記者口中得知此事，打算活動後問嫂子。除此，有指狄波拉教唆栢芝向母親「閂水喉」，婷婷聞言表示問題太深不懂回答，希望記者不要繼續問。她說：「不如唔好講，我阿媽冇理由咁做，每次見兩家人一齊食飯都好開心，（你同栢芝媽都熟？）我比較少，佢哋有食飯。」婷婷重申母親是正直的人。

黎明剛於十一號牛一，昨日基兒一臉風騷，問她心情靚是否因有人生日？她即甜笑說：「我日日心情都好。（點同男友慶祝？）都係食飯。（有冇送氣球？）有，呢個係我icon，我只係得呢樣嘢。」基兒今年沒有親自下廚，但就自掏腰包宴客。早前有報道指基兒和黎明即將拉埋天窗，並已收半億禮金及新屋裝修，基兒被追問即笑說：「報道寫得好nice，我唔想人誤會所以要澄清，全部都唔係事實。」再追問到報道是否她的願望？基兒即鬼馬笑謂不懂看新聞，她說：「上星期講過話唔答，依家答我咪好傻，過幾個月可以證明邊啲係真，邊啲係假。」有記者笑問到幾個月後是否見肚？她即指著肚子風騷說：「我個肚唔知幾瘦！」