减少消费\卢先生（设计师）：

　　“我一向都少消费，呢排社会气氛紧张、经济变差，就更加少消费。出街都少咗，日日睇啲咁嘅新闻，心情受影响，街都唔想出。饮食消费冇乜影响，但衫裤鞋袜可能会买少几对。”

　　内地客减\江小姐（金融业）：

　　“虽然经济变差，社会发生好多唔好嘅事，但该买嘅都係照买，譬如饮食方面，冇减少消费。我做金融业，近排啲人搞搞震，搞到好多内地客唔敢嚟香港揾我投资，我啲生意严重受影响，少咗两至三成。我唯有安抚内地客人，香港大部分人仲係好理性嘅，只是某啲地方有暴乱发生，绝大部分地方仲係好安全嘅。”

　　怕咗出街\刘太（家庭主妇）：

　　“近排香港咁乱，我都怕咗出街，都叫个仔放工要早啲返屋企。近排嘅事对我嘅生活有影响，我住柴湾，个仔返工惊搭唔到地铁，唯有提早出门。个仔做银行的，都有呻话冇晒啲客。我觉得现在嘅年轻人思考不够全面，太执著某啲问题，希望佢哋有问题要学会两面睇，和平处理，唔好使用暴力。”