我哋嘅反应、处理全部都冇先例可循，好多嘢可能传媒朋友会觉得慢咗啲，唔出奇，有呢个评论我哋都会反省。

　　管理层低估或错估形势？

　　我60几岁人，都未见过香港依家呢个情况，好多都係第一次处理，所以唔会话管理层低估或者估错，佢哋亦係第一次面对咁困难嘅情况，用番既定机制处理，但问得好好嘅係，係咪一个好嘅处理手法呢？

　　接任港铁主席是上错船？

　　我有冇上错船呢？冇！身为一个香港人，如果有机会可以贡献香港，我觉得係我嘅光荣。我知道係难，知道唔容易，但我好开心有一班好支持港铁工作嘅董事，有一班非常勤力、好愿意付出嘅管理层。

　　极速复修设施传递错误信息？

　　港铁服务精神係唔可以畀呢啲人（暴徒）威胁，做咩掟烂我啲嘢就怕咗佢？我唔怕你，我做番畀你睇。另一个理由係我哋都要去面对其他正经嘅香港市民，係咪因为有一批暴力者无理衝击，要令到其他几百万市民受苦呢？

　　教育病了？

　　我哋嘅教育制度，今次之后真係要反省，原来多年嘅教育制度唔係好睇住个形势去处理，教佢加减乘除、教佢数理化，但忽略咗国民教育、中国历史……我哋好多年轻人听咗啲嘢唔识去分析，佢哋可以睇到世界各地嘅消息，但睇完之后点去吸收、分析呢？有人话呢粒糖好食，咁健唔健康先？食咗对你身体有冇好处定坏处？