人人都话抽中居屋好过中六合彩，但暴乱不但令居屋拣楼由原订的11月延至下周一（9日），而家又有搞事者喺网上煽动其他人当日发起所谓“三罢”，首日拣楼人士随时无得拣。暴乱拖慢居屋拣楼进度，有申请者怒斥暴乱搞到拣楼安排失预算，但更多人担心暴乱拖垮社会经济，上到车都供唔起楼。

　　郑晴问过房委会，拣楼首日只会邀请约80名申请者到乐富居屋销售中心，分三个时段拣楼，首轮拣楼亦延至10时30分开始，即受邀人数较往年少约10人，全日少一个时段，迟一个鐘开始拣楼，有关安排会持续一段时间。有中咗第二粒珠的申请者同郑晴讲，至今仍未收到拣楼通知，原定圣诞前出遊亦被迫取消，佢好嬲咁话：“香港市民真係多得呢啲暴徒唔少！”

　　此外，改良版“未补价资助出售房屋出租计劃”初见成效，房屋协会截至周五（6日），合共收到105宗业主申请，包括13个房协屋苑单位及92个房委会屋苑单位。计劃将於12月9日至20日接受合资格租客申请，明年一月抽籤，最快二月有首批成功租赁个案。房协去年九月首推“出租计劃”，只准业主分租单位而不能整个出租，反应冷淡。房委会及房协今年七月通过改良版，包括扩大计劃涵盖範围至房委会居屋、准许出租整个单位等。