图：陈茂波称，市民最快下周一获发一万元
你登记咗一万蚊现金发放计劃未啊？谭鸣就一早登记咗啦，仲係用电子登记添，真係一分鐘都唔使呀。政府话，六月份经银行电子登记计劃嘅市民，可提早两日於下礼拜一（7月6日）起收到钱啦。谭鸣都支持留港消费，“财爷”陈茂波话，款项提早发放，对很多食肆、零售商及企业来说，将有助尽早开启“消费黄金档期”，希望大家齐齐开心消费，振兴香港经济！
谭鸣睇到“财爷”寻日喺社交媒体贴文话，现金发放计劃截至本周四已经收到超过550万个登记，其中约200万人於首日登记。由於逾八成登记是经银行嘅电子登记，当中约六成透过网上银行户口完成，帮银行悭咗唔少核对客户身份嘅功夫，故此六月份内经银行电子登记嘅430万市民，可以提早於7月6日起收到一万蚊。至於7月1日后递交的银行电子登记，登记后约一星期亦会收到钱。
政府早前已经同21间银行签署现金发放计劃服务协议，市民经相关银行网站或网上理财服务登记，係最快收到钱嘅方法。而不少银行都提供领取一万元嘅开户优惠，有兴趣嘅市民不妨向相关银行查询。
至於用书面表格透过银行或香港邮政登记嘅人士，当然无电子化咁方面，需按年龄分批登记，首批1955年或之前出生嘅人士，已於6月21日起开始登记；第二批（1956年至1970年出生人士）开始登记日期为7月5日，将於8月3日左右开始收到款项或领取支票通知。
