谭鸣唔係“烂赌”，但久唔久都会同家人和朋友买吓六合彩。不过疫情之下，六合彩大大话话都停办咗成五个几月。马会刚刚公布会恢复搅珠，下一期在7月21日开彩。包括谭鸣在内，大家又可以同啲亲友夹吓买几注六合彩，碰运气发个横财梦。

　　谭鸣睇咗马会嘅新闻稿，佢哋话，留意到新冠疫情缓和，而且之前都已经有限度咁重开投注站，审视过重开之后嘅运作，决定由7月21日起恢复举行六合彩搅珠，并会喺7月16日起开始售票。至於赌波客，马会亦会喺16日开始，恢复喺投注站同电话投注，受理足球投注服务。马会透露，停办期间，已排程嘅66期搅珠取消；对比去年同期，少咗约33亿元的投注额。计一计，谭鸣推算政府就咁都少咗约9亿元税收。

　　当然，大家仍然要注意衞生，马会都会要求入投注站嘅人，接受体温检查，亦要求大家戴外科口罩入内；同时提供酒精搓手液，特别请大家留意攞飞后填飞要用公家笔。不过，见到咁多人申请政府的一万元，都係上网登记，其实大家都要改吓习惯，多啲用电子服务，包括投注都係，又方便又可减少社交接触。

　　翻查纪录，对上一次六合彩搅珠已经係在2月1日，仲要係“新春金多宝”，不过因为头奖有人中，所以复开一期，只有800万元的头奖基金下限。讲起上来800万元都唔少钱，我谭鸣揾咗近年同7月21日开彩的搅珠结果，畀人家参考下。