大公网

大公报电子版
首页 > 新闻 > 港闻 > 正文

陈梓维收街坊求助 揾“对家”帮手解决

2021-01-15 04:23:35大公报
字号
放大
标准
分享

  图:油尖旺区议员陈梓维(圆图)要靠该区前区议员帮手解决地区问题,仲要自己在社交平台发帖自暴其醜。

  能力饱受外界质疑嘅油尖旺区议员陈梓维近日再出醜。佢话日前接到街坊求助,指大厦外墙有大幅不明污渍,担心係粪渠渗漏造成,佢“咁啱冇该法团电话”,所以就通知咗“对家”帮忙,仲话“为咗慎防对家将投诉当成自己工作,所以在此立下证据”云云。

  陈口中的“对家”,就是该区前任区议员叶傲冬,叶傲冬话:“议员上门揾前议员作个案转介真係第一次。”又强调帮手都冇谂过抽佢水,希望陈对得住“粮支”,仲话欢迎佢继续转介个案。

  有市民留言直斥陈梓维无能:“从呢件事睇出,唔係政治立场问题,而係能力问题。”亦有人认为陈梓维作为区议员,应更主动联络当区民政事务处跟进,“唔识跟学吓点跟,而唔係畀对家跟㗎!”又指此事係陈“射波嘅最好证据”。

  陈梓维随后再发帖,辩称接获投诉后曾尝试要求保安员代为联络法团主席及管理公司,指保安员拒绝合作更反指何解不通知民建联,所以佢先决定去揾对方,又话“单单联络法团主席一事对他们来说应该不会困难吧?”引来市民再质疑:“推咗畀对家做就当做咗,自己仲讲咩利申,真係没有最低智,只有更低智。”

相关内容

点击排行