图：颜武周（圆图）近年多次同政府唱反调，由佢做主席嘅新公务员工会昨日宣布解散。

　　政府要求公务员宣誓拥护基本法及效忠特区，本是再正常不过嘅事，但喺修例风波期间成立嘅新公务员工会，寻晚就喺Facebook发帖宣布解散。该工会主席正正係近年多次与政府唱反调嘅颜武周，佢声称自工会成立以来，一直遭受各方各面嘅抨击，如今宣誓一事在即，预计工会理事有可能无法继续留在政府，并失去工会会员及理事资格，因此启动解散工会，以确保工会会员资料及物资得到适当处理云云。

　　事实上，以颜武周及该工会嘅所作所为，早已不符公务员政治中立要求。颜武周喺前年修例风波期间，曾公然发起反对政府修逃犯例嘅公务员集会，后来该工会成立，去年元旦参与由揽炒派组织嘅大遊行，对於遊行后来演变成暴乱，工会不单止无批评暴徒，反而指责警方执法。上年六月，该工会又以不满香港国安法为由，参与发动所谓“罢工罢课公投”，公然煽动反政府情绪。当时政府指出，採取政治性罢工手段反对国家安全立法，係公然违反公务员守则，定必严肃追究。

　　得知该工会解散嘅消息后，市民喺网上发出一片揶揄之声。市民Albert直言：“连拥护基本法及效忠特区咁简单嘅要求都做唔到，仲点样服务市民？”市民“水王”就话：“一见宣誓就要解散，仲唔係身有屎？”郑晴