大公网

大公报电子版
首页 > 新闻 > 港闻 > 正文

“黄官”审案偏颇 市民:睇唔过眼

2021-01-17 04:23:33大公报
字号
放大
标准
分享

  司法改革呼声不断,“黄官”审案照样我行我素。曾称掟汽油弹少年係“优秀细路”嘅裁判官水佳丽,14日审理一宗暴乱案时竟形容三名被控袭警及在公众地方管有攻击性武器罪嘅被告係“上进小孩”,仲话明白佢哋一时衝动犯案,要将良好青年判监实在不愉快和可惜。水官言论在网上引起热议,市民怒斥:“做裁判官竟然对判刑感不快,咁就辞职唔好捞啦,使乜咁多感受啊?你其实仲可否持平客观审理案件呀?”

  无独有偶,当日审理嘅另一宗案件亦有类似情况。案情关於前年八月中机场被大批示威者佔领,一名警员执勤期间被10多名示威者围殴袭击更抢去警棍,警员喺生命受威胁情况下拔枪示警才得以脱离险境,辩方喺区域法院审理时声称,警员当日撞倒女子而被大批示威者围殴,法官郭启安竟追问警员:“你高高大大、英明神武,撞低一个矮矮细细嘅女仔,好似虾人咁,会唔会其他人睇唔过眼?走埋嚟打你?”有市民喺网上直言:“睇唔过眼就可以袭警?我见到你咁样审案,就真係睇唔过眼啦!”

相关内容

点击排行