图：潜逃英国嘅许智峯身负至少九宗控罪。图为他去年11月被警员上门拘捕。

　　身负至少九宗控罪、现时潜逃英国嘅前民主党成员许智峯，喺滙丰银行嘅户口同信用卡被取消。佢寻日喺facebook发帖，声称收到滙丰行政总裁祈耀年亲自回信，话滙丰职员称银行因为“商业决定”取消其信用卡户口嘅讲法错误，实际上係许嘅信用卡同其他滙丰户口被冻结，唔係取消。银行收到警方通知有法律责任採取行动，喺冻结户口一事上并无选择。不过，许智峯就话拒绝接纳解释㖞，又话希望英国国会同埋其他国家国会跟进，呼籲外国制裁滙丰云云。

　　前金融界立法会议员吴亮星同郑晴讲，滙丰係喺香港註册嘅银行，当银行收到警察通知，一定要按照法律办事。香港金融业蓬勃，全赖各个商业机构恪守法律。一个唔守法嘅人，呼籲其他金融机构唔守法，係一件好荒唐嘅事。

　　今次滙丰出动CEO回覆逃犯嘅信，郑晴就觉得有啲小题大做了。郑晴都有同事曾经畀滙丰取消咗信用卡，致电同亲自去银行搞咗好多次都无得到任何回覆，但许智峯呢个逃犯，居然由CEO亲自回信，係咪揽炒派有特别优待呢？