壹传媒创办人黎智英入狱后，外界都关注壹传媒嘅营运状况。郑晴听闻，壹传媒旗下嘅《苹果日报》突然炒咗主管突发新闻嘅阿头，据称理由係黄国桐被捕无做直播。事件引发内部诸多不满，有人抱怨“过年前话炒就炒，一啲情义都无”。另外，《苹果》动新闻最近都有资深员工递信离职，据了解係有人想移民英国。消息话，而家壹传媒唔少人心灰意冷，唔排除年后有更多人跳船。