卢先生 专线小巴司机

　　要追时间

　　“我哋做小巴司机都好辛苦，埋站休息时间好短，有时围埋吹水吹耐咗，咪要揸快啲，追番啲时间。我觉得而家司机到站后只得几分鐘休息，实在好唔够。对老闆嚟讲，揸多几转，公司赚多啲梗好，我哋都希望减下工时。”

　　陈先生 旅遊巴司机

　　宁愿慢慢行

　　“我哋载得乘客，尤其是接载小朋友更要特别小心，宁愿慢慢行，千祈唔好出意外。（校巴衝落单车径意外）好彩啲小朋友听话有扣安全带，呢样真係好重要。”

　　吴先生 保姆车司机

　　休息都冇

　　“我哋做校巴，基本上朝早五点就要起身开工，中间有时间休息就好啲。不过好多行家唔係只接载学生，仲会接其他工作，连休息时间都冇。”