曾先生 臭味难顶

　　正常有装天眼摄影机，但唔知点解影唔到。我喺葵涌货柜码头附近工作，呢度啲垃圾都有两三年，夜晚我见啲车喺度卸垃圾，啲臭味好难顶，一定打电话去投诉，抄低佢哋车牌，我有时都会帮手执，而家疫情严峻更加影响环境。好似之前发泡胶箱放到好似城墙咁，之前曾发生火警，连停在一旁的旅游巴都烧埋，好得人惊。

　　李先生 影响环境

　　每日收工都要经过葵涌货柜码头附近，呢度啲垃圾清极都有，影响环境，垃圾收集站够鐘就唔收，司机贪方便见呢度无人就放喺度，喺堆填区弃置装修垃圾要收钱，掉喺度就唔使钱，投诉政府部门都无用，装咗闭路电视都有垃圾，政府积极啲就解决到，做啲唔做啲唔係办法。

　　货车司机黄先生 罔顾公德

　　平时见到好多运载废料嘅货车喺呢度乱倒垃圾，佢哋为悭钱根本无考虑大众利益。有时经过葵涌货柜码头附近闻到臭味，会向当局投诉，之后会见到有工作人员过嚟收拾，但改变唔到问题根源。