猫爸：社会气氛低迷，有没有影响小猫的心情？

小猫：点可能冇影响，唉！

猫爸：小猫，凡事都要向好的方面想，乐观啲！

小猫：爸B忽然间咁问，一定有古怪。

猫爸：前几日睇报纸，青协发表一个关於中学生情绪的调查，令人好担心。

小猫：我有睇，调查结果显示，有超过一半学生出现抑鬱情绪表征。

猫爸：咪就係囉，超过一半呀！

小猫：出现表征啫，包括难以专心学习，以及对不如意的事情感到烦恼，未必係抑鬱病。

猫爸：调查结果话，有41.7%中学生压力指数偏高，比去年高出四个百分点。

小猫：香港中学生压力一向都好高，小猫一早感受到。

猫爸：有两成半中学生讲明对“社会气氛紧张”感到担忧。

小猫：社会唔止气氛紧张，仲好暴力。

猫爸：小猫有没有遇上欺凌？

小猫：无端端点会欺凌我？不过，有啲同学的确因为见解不同而“面左左”。

猫爸：调查话，接近一成受访中学生朋辈间因存不同意见发生衝突，有8.3%更遭到同学冷落、排斥或者欺凌。唉！

小猫：完全理解，所以我都有啲唔开心。

猫爸：小猫有咩唔开心，千万不要鬱在心裏，要跟爸B和妈咪讲。

小猫：少少唔开心啫，我OK噃！

猫爸：唔好轻视问题，抑鬱唔係讲笑，要找专家处理，鬱下鬱下好易鬱出精神病。开学两个月，青协就收到六百几宗求助个案。

小猫：爸B，知唔知过度紧张都係精神病表征？放鬆啲啦！