4 月 18 日至 20 日，位处马鞍山嘅 We Go Mall 商场为香港市民带来一场耳目一新嘅复活节盛事 ——“AI 机械狗互动体验日”。是次活动由金安智能科技有限公司与 We Go Mall 携手举办，除为复活节增添科技与欢乐气氛外，更令众多大小朋友沉醉其中，乐而忘返。

　　活动未正式揭开序幕，We Go Mall 商场内早已人头湧湧，满怀期待嘅市民早早就聚喺活动现场周围。随住活动正式开锣，两只明星机械狗闪亮登场，瞬间抓住全场目光。呢啲机械狗唔单止外形型到爆，智能表现亦令人啧啧称奇。喺专业人员带领下，小朋友争住学习操控机械狗，透过简单指令，就可以令机械狗做出各种趣怪动作，比如比心、握手、跳舞、拜年等，现场不时爆发阵阵欢笑声同掌声。

　　最令人惊喜嘅莫过于机械狗嘅跳舞表演。当欢快嘅音乐响起，机械狗迈住灵活嘅步伐翩翩起舞，现场小朋友亦跟住机械狗扭动身体。佢哋动作精准，转身灵活，每一个舞步都精准且富有节奏感。现场观众都被呢场精彩表演深深吸引，争相拿出手机记录呢个难忘时刻。有小朋友家长表示：“呢类活动好有意义!小朋友唔单止可以近距离接触高科技产品，仲可以喺互动中学习知识，激发佢哋对科技嘅兴趣。”除咗精彩嘅机械狗表演，活动现场仲有宠物狗同机械狗友好互动，成为活动现场另一道靓丽风景线。小朋友喺同机械狗互动之余，亦能同宠物狗亲密接触，感受科技与自然嘅完美融合。

　　香港金安智能科技有限公司负责人孙景安表示：“我哋希望透过呢类活动，让更多香港市民了解 AI 同机械人技术嘅魅力，感受科技带来嘅乐趣。公司计划今年内将体验活动推广至更多本地场景，让先进嘅 AI 仿生科技深入社区同校园，助力 STEM 教育同科技普及。”

　　是次 AI 机械狗互动体验日活动，为香港市民带来一个充满科技感嘅复活节之余，亦为大小朋友提供一个学习同探索嘅平台，为香港嘅科技推广同科普教育注入新活力。