喺内地生活嘅港人，其中一个烦恼就係医疗问题。谭鸣得知，早前工联会争取港人可以在大湾区买医保，正式落实咗。究竟喺广东工作、读书、生活的港澳人士如何享受医保待遇？等谭鸣同大家解释下啦。

　　呢个係工联会继社保后，另一建议得到落实。广东省医保局强调，措施係为落实《粤港澳大湾区发展规劃纲要》。根据佢哋喺官方微信嘅资料，喺广东就业嘅港澳人士，根据《社保法》等相关法律规定，与内地用人单位建立劳动关係的港澳籍人员，可依法参加职工基本医疗保险；港澳籍职工与内地职工可一视同仁依法享有医疗保险待遇。喺广东读书的港澳“学生哥”，根据有关规定，港澳学生可在就读地参加城乡居民基本医疗保险，享受同内地学生同样的政府补助和医保待遇。至於持内地居住证的港澳居民，由2020年1月1日起，可在居住地按规定参加城乡居民基本养老保险和城乡居民基本医疗保险。

　　更重要嘅，係谭鸣留意到，两地为咗打破机制障碍，香港长者可以使用香港的医疗券，支付在港大深圳医院指定科室提供嘅门诊医疗护理服务费用，并会由香港衞生署自动与港大深圳医院结算。所以话，大湾区真係好快咁推动融合，就连医疗券都可以跨境使用，认真方便。