“我唔会随便揾个男人结婚就算，虽然而家30几岁无拖拍，但我唔急。有楼当然会好啲，但我最希望找到值得付托终身的男人，之后先谂结婚。如果一直无出现，大不了唔结婚，反正人生不一定要结婚生仔。”任职行政工作的Cherry表示，过往曾多次拍拖，但最终分手收场。“最长一个拍拖五年，都有讲到买楼、结婚、生仔，仲见埋双方家长，但我最终都係宁愿忍痛分手。”

　　Cherry期待真命天子的出现，但接受不了男友“30几岁人仲无目标、无成就，只一味挂住打机，即使有谂法，亦完全无实行。”

　　亦有女士催婚

　　Cherry告诉记者，心目中的结婚对象不一定有钱有楼，最重要思想成熟，“唔好结婚后畀我感觉似凑仔、凑细佬。有钱有楼但大细路，我都宁愿唔要。”她说，今时今日对女性而言，结婚生仔非人生必经阶段，“我唔觉得结婚生仔人生先美满，我有楼有自己生活，本身已好自在，唔一定结婚。”

　　不过，24岁的Wing却急于向拍拖三年的男友催婚。“以前啲人话买楼先结婚，但今时今日楼价咁贵，根本买唔起，与其等买楼，不如遇到觉得好嘅，能付托终身嘅先结婚仲好。”Wing以往都有拍拖对象，但直言找到合适的结婚对象很难。“好多（男仔）唔係吊儿郎当，就係唔定性，无承担。”她直言在女多男少的社会里，择偶条件很简单，找到“信得过”便可以。

　　大公报记者 方学明